Tíðindi
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
HVØR ER LESARIN?
LØGTINGSVALIÐ NÆRKAST
Leygardagin verður løgtingsval. Í hesum sambandi er ein temasíða á snar.fo, sum snýr seg um politikk.
Føroyar hava nógvar politiskar flokkar. Eftir løgtingsvalið í 2015 vórðu stóru flokkarnir Javnaðarflokkurin, Tjóðveldi, Fólkaflokkurin og Sambandsflokkurin. Smáu flokkarnir vórðu Framsókn, Miðflokkurin og Nýtt Sjálvstýri. Umframt hesar somu stilla tveir nýggir flokkar upp til løgtingsvalið í 2019. Teir eru Føroyaflokkurin og Framtakið fyri rættinum at velja kannabis.
Allir borgarar yvir 18 ár og eldri hava valrætt, og teir velja 33 umboð í løgtingið. Val skal vera í minsta lagi hvørt fjórða ár. Samsvar er millum atkvøðutal og tingmannatal. Fær ein flokkur 21% av atkvøðunum, fær hann eisini umleið 21% av tinglimunum. Vanliga fær ein flokkur ikki meiriluta einsamallur, tí vil hann í samgongu við aðrar flokkar fyri at fáa sum mest av ávirkan. Flokkarnir, ið semjast um eitt samgonguskjal og hava meiriluta, skipa Landsstýri, meðan hinir flokkarnir eru í andstøðu. Løgtingið veljur løgmann, og løgmaður velur landsstýrismenn eftir tilmæli frá flokkunum, sum skipa landsstýri.
Størsta valstaðið í landinum er í ítróttarhøllini á Hálsi, men tey sum búgva á Argjum skulu velja í Skúlanum á Løgmannabreyt.
Á Snar eru undirvísingargongdir og uppgávur um løgtingsvalið í 2019, sum eru ætlaðar miðdeild og hádeild fólkaskúlans í søgu/samtíð og samfelagsfrøði. Evnið eru eisini gott og viðkomandi at taka fram heima at práta um hesa vikuna..
Temasíðan um løgtingsvalið. Fylg slóðini HER.
(Kelda: snar.fo)