Tíðindi

Í dag - fyrsta skúladag í nýggja árinum - er illveður, men ymist er, hvussu veðrið skikkar sær ymsastaðni í landinum. Her hjá okkum í Havn merkist vindurin ikki so ógvusligur sum nógva aðrastaðni kring oyggjarnar. Í  veðuríðindunum í morgun frættist, at tað leikaði so nógv í, at fleiri skúlar hava avlýst skúlagongdina í dag vegna vegna veður.

Vit føroyingar tosa øgiliga nógv um veðrið, og bara um vind eiga vit nógv orð:

• Fleyr: 0,3-1,5 m/sek.
• Lot: 1,3 – 3,3 m/sek.
• Gul: 3,4-5,4 m/sek.
• Andøvsgul: 5,5-7,9 m/sek.
• Frískur vindur: 8,0-10,7 m/sek.
• Strúkur í vindi: 10,8 – 13,8 m/sek.
• Hvassur vindur: 13,9 – 17,1 m/sek
• Skrið: 17,2 – 20,7 m/sek.
• Stormur. 20,8 – 24,4 m/sek.
• Hvassur stormur: 24,5 – 28,4 m/sek.
• Kolandi stormur. 28,5-32,6 m/sek.
• Ódn: 32,6m/sek. og uppeftir

Í dag man í flestu støðum vera talan vera um skrið, storm, hvassan storm, kolandi storm ella ódn.

Kanna hvussu verðrið er ymsastaðni í landinum á veðurstøðunum hjá Landsverk HER.