Tíðindi
RITHØVUNURIN VITJAR
NÆMINGAR Í 9. FLOKKI: ROYNDU SEG SUM LÆRARAR
TEY Í 5. D VITJAÐU UMBORÐ.....
FRÁ TURRUM BREYÐI TIL EGGJATÓST
GUÐRUN STJÓRNAÐI SYMFONIORKESTRINUM
LANDSROYNDIR
HVØR ER LESARIN?
LISTANÆMINGAR
Anna Maria, Elin og Sólvá ganga í 5. flokki. Í handverk og list hava tær evning, og seinastu vikurnar hava tær arbeitt við at gera smáar standmyndir. Í filmsbrotinum niðanfyri greiða tær eitt sindur frá.
Dagny er lærari hjá teimum trimum , og hon sigur, at næmingar í 5. og 6. flokki hava arbeitt við at gera smáar standmyndir. Hon greiðir soleiðis frá:
“Hetta er gjørt við metallráði, vatt er fylt inní, síðan er tapetklistur lagt útyvir, og at enda eru strimlar av gasugipsi lagdir omaná. Tá ið nú skapið var liðugt, so var bara eftir at mála. Frá byrjani av skuldu næmingarnir ímynda sær eitt skap við ymsum eyðkennum, tekna eina tekning av tí, skriva eina lýsing, og geva skapinum eitt navn. Summi av teimum hava hongt tað upp, men alt prosjektið var so tíðarkrejandi, at øll komu ikki so langt. Reint estetiskt er tað at geva eini lítlum standmyndum sum hesum skap, ein stór uppgáva, ið tekur drúgva tíð. Børnini hava gingið høgt upp hetta, og hava veruliga givið sær stundir at fáa væl burturúr. Í Føroyum dámar okkum so væl standmyndir. Ofta vera minnisvarðar settir upp, so sæð í ljósinum av tí, hava vit tosa um, hvat vit annars kunna lata okkum fáa íblástur av í umhvørvinum.”
Fittu lítlu standmyndirnar eru at síggja á langgongini á Frælsinum.
Fittu standmyndirnar eru at síggja í langgongini á Frælsinum