Tíðindi
SEINASTI STARVSDAGUR HJÁ TORFINNI
HEITT BATT
MOTORLÆRA: SPENNANDI OG LÆRURÍKT
RITHØVUNDAVITJAN: "MATUR OKKARA VIRÐISMIKLA TILFEINGI"
SAMSTARV ER LYKILIN.....
LØGTINGSNEVND Á VITJAN
VÁRROYNDIN
SPENNINGUR Í MORGIN
Í morgin verður størsta FIRST LEGO League-kappingin í Føroyum nakrantíð. 23 lið við unglingum og børnum hittast í skúlanum á Argjahamri til kapping í tólmennum og um at byggja býir. Luttakararnir koma úr Havn, Suðuroy, Sandoy og Eysturoy. Úr okkara skúla fara 9 lið, mannað við næmingum úr 5. og 6. flokki, til kappingina. Liðini úr fimta flokki eru Blueberri´s, PinkPanthers, Theam Lego Kids, Builder Pros, Framtíðin er grøn og Bob´s Little Helpers. Harafturat fara Lego Panda, Team Cloud og Lego Panters úr sætta flokki at kappast í morgin.
Fyri fyrstu ferð síðan 2006 er kappingin flutt úr høvuðssætinum hjá Føroya Tele í Hoyvík. Avbjóðingin í ár hevur heitið City Shaper og leggur dent á at finna loysnir, um hvussu ein betur heimur kann skapast, og um hvussu fólk trívast í burðardyggum umhvørvi.
Við hugflogi, kreativiteti og vinaligum felagsskapi skulu luttakararnir finna spennandi loysnir til ársins evni. Børnini læra við at royna seg fram við:
- Gransking
- Uppgávuorðingum
- Samstarvi
- Forritan
- verkfrøði
FIRST LEGO League-kappingin er tann størsta av sínum slag í heiminum. Yvir 290.000 børn og ung í aldrinum 10 til 16 ár úr okkurt um 94 londum hittast í næstan 1.500. Og í morgin, leygardagin 9. november, fara í alt 925 lið at kappast í næstan 60 býum í Noregi, Svøríki, Danmark og Føroyum.
Vinnararnir av føroysku kappingini sleppa til norðurlendsku finaluna um nakrar vikur. Har skulu tey kappast móti vinnarunum úr hinum norðurlondunum.
Kappingin í Skúlanum á Argjahamri byrjar kl. 10. Tiltakið er opið fyri almenninginum, og atgongd er ókeypis. Vitjandi kunnu keypa drekkamunn og okkurt gott afturvið.
Kappingin verður stroymað og kann síggjast á her á heimasíðuni og facebookvanganum hjá skúlanum.
First Lego League í barnaútvarpinum. Fylg slóðini HER.
Stroymingin í morgin kann síggjast HER.