Korona og Skúlin á Fløtum

 

 

Skúladagurin

Skúladagurin er skipaður sum vanligt og allir næmingar, lærarar og námsfrøðingar fylgja dagligu tímatalvuni og arbeiðsuppgávunum. Næmingar eru bert blandaðir við næmingum úr sínum egna árgangi. Tó verða næmingar á ítróttarrás blandaðir á hondbólts- og fótbóltsrásini og í handaligu læugreinunum í 8. og 9.fl. Men hetta eru fastir bólkar, ið ikki broytast gjøgnum skúlaárið.

Frítíðarskúlin 

Í frítíðarskúlanum eru børnini, í tann mun tað letur seg gera, í smærri bólkum. Annars halda vit okkum til tilmælini, ið eru galdandi fyri dagstovnaøkið. 

Gestir í skúlatíð 

Myndugleikarnir mæla frá, at onnur enn starvsfólk og næmingar eru í skúlanum í skúlatíð. Tískil kunnu foreldur, onnur avvarðandi ikki koma inn í skúlan. Hetta sama er galdandi fyri gestir annars. 

Handreinføri 

Vit spritta okkum um hendurnar í durinum á veg inn og á veg út úr skúla. Spritt stendur eisini í felagsøkinum, á bókasavninum og í kantinuni. Harumfamt vaska vit okkum um hendurnar, tá ið tímarnir byrja og aftur, tá ið tímarnir enda.  

Vasking 

Skúlin verður vaskaður í skúlatíð. Vaskitoymið vaskar allan skúlan dagliga eftir leiðreglunum um reinføri á skúlum og stovnum.  

Frástøða 

Vit gera okkum ómak at halda neyðuga frástøðu, har hetta ber til. Í skúlastovuni, har 2 metra frástøða ikki letur seg gera, sita vit á føstum plássum. Í ítrótti og í handaligu lærugreinunum eru vit eisini í føstum bólkum. 

Sjúkueyðkenni 

Hevur barn tykkara sjúkueyðkenni, eisini mild sjúkueyðkenni, skulu tey ikki koma í skúla. Hevur barn tykkara fingið boð um at lata seg kanna fyri korona-smittu ella tit sjálvboðin hava latið barnið kannað, verða tit biðin um at hava barnið heima til úrslitið av kanningini er tøkt. Myndugleikarnir mæla til, at øll, ið hava sjúkueyðkenni, lata seg kanna.  

Hetta sama er eisini galdandi fyri starvsfólk .

Persónlig amboð 

Tað er framvegis týdningarmikið, at barn tykkara hevur sína teldu, løðara og smátalarar við. Harumframt er neyðugt, at tey hava egnan pennahúsa við øllum amboðum - blýantar, litblýantar, blýantspískara, viskileður, liniál, saks, límstift v.m. - við í skúla. Alt tað, ið tey hava brúk fyri í undirvísingini.  

Ferðing uttanlands 

Næmingar og starvsfólk, ið hava verið uttanlands, skulu ikki koma aftur í skúla, fyrr enn negativ test - tikin á 6. degi – er fingin.  

Spurningnar og ivamál 

Hava tit spurningar ella ivamál um hesi viðurskifti, eru tit altíð vælkomin at seta tykkum í samband við flokslæraran.
Eisini eru tit  vælkomin at seta tykkum í samband við leiðslu ella skrivstovu skúlans. 

 

Vinarliga  

Regin Marnersson, skúlastjóri og Hildur Hermansen, frítíðarskúlaleiðari 

Skúlin á Fløtum